Cyfrifon ISA a ffyrdd eraill sy'n effeithlon o ran treth i gynilo neu fuddsoddi

Sicrhewch nad ydych yn talu mwy o dreth nag y bydd angen i chi – manteisiwch i’r eithaf ar gynilion a buddsoddiadau di-dreth i chi a’ch plant neu’ch wyrion.

Cyfrifon Cynilo Unigol (ISAs)

Awgrym da

Os ydych yn cynilo gyda ISA, sefydlwch nodyn atgoffa ar gyfer y dyddiad y daw’r gyfradd gyflwyniadol i ben a chwiliwch am fargen.

Cyfrifon cynilo a buddsoddi sy’n effeithlon o ran treth yw ISAs (a elwir yn NISA weithiau).

Gallwch eu defnyddio i gynilo arian, neu fuddsoddi mewn stociau a chyfranddaliadau. Ar 2014, cyfunwyd ISAs Arian Parod ac ISAs Stociau a chyfranddaliadau i greu un ISA sengl newydd (ISA).

Gallwch dalu’ch lwfans cyfan o £15,240 i ISA Stociau a Chyfranddaliadau, neu ISA Arian Parod neu gyfuniad o’r ddau.

Ni fyddwch yn talu unrhyw Dreth Incwm ar y llog neu’r difidendau (cyfran o’r incwm) a gewch o ISA a bydd unrhyw elw o fuddsoddiadau yn rhydd o Dreth Enillion Cyfalaf.

ISAs Hyblyg

O fis Ebrill 2016, gall darparwyr ISA gynnig cyfleuster hyblyg a fydd yn caniatáu i chi dynnu arian o’ch ISA a buddsoddi arian i’ch ISA unwaith eto, cyhyd â’i fod yn cael ei wneud o fewn yr un flwyddyn dreth. Ni fydd pob ISA yn caniatáu i chi wneud hyn a dylech wirio gyda’ch darparwr ISA bod gan eich ISA y swyddogaeth hon. Nid yw’r hyblygrwydd hwn ar gael ar hyn o bryd ar gyfer ISAs Iau neu’r ISAs Cymorth i Brynu.

Peidiwch ag anghofio mae angen trosglwyddiadau ISA i symud arian o danysgrifiadau ISA blynyddoedd blaenorol.

ISA Cymorth i Brynu

Bydd ISA newydd yn cael ei gyflwyno i helpu prynwyr cartref am y tro cyntaf i gynilo tuag at gost prynu eu cartref cyntaf yn hydref 2015. Bydd cynilwyr yn medru talu £1,000 cychwynnol i mewn pan fyddant yn agor ISA Cymorth i Brynu ac yna yn derbyn £50 am bob £200 sydd wedi ei gynilo hyd at uchafswm o £12,000. Bydd cap ar y dreth y gallwch ei hosgoi ar £3,000.

Byddwch hefyd yn medru ennill llogau di-dreth ar eich cynilion yn yr un modd ag ISA arferol. Bydd yr ISAs yma yn cael eu cyfyngu i un i bob unigolyn yn hytrach nag un i bob tŷ. Ni fyddwch yn gallu cyfrannu at ISA Arian Parod yn yr un flwyddyn.

ISA Oes

Bydd ISA Oes newydd yn cael ei lansio yn Ebrill 2017. Bydd y cynnyrch hwn yn gadael i chi gynilo hyd at £4,000 y flwyddyn a chael bonws gan y llywodraeth o 25% (£1,000). Bydd ar gael i bobl rhwng 18 a 40 a gellir ei ddefnyddio i gynilo am gartref cyntaf, neu ar gyfer ymddeoliad (wedi chi droi’n 60 oed).

ISA Cyllid Arloesol ar gyfer benthyciadau rhwng cyfoedion

Cyflwynwyd ISA Cyllid Arloesol ym mis Ebrill 2016 ac mae’n caniatáu i chi ennill llog di-dreth ar fenthyciadau a drefnir trwy lwyfan buddsoddi rhwng cyfoedion.

Gellir rhannu’ch lwfans ISA blynyddol rhwng sawl ISA gwahanol, ond ni ddylai fynd dros y cyfyngiad lwfans blynyddol cyfun (£15,240 ar gyfer y flwyddyn dreth 2016/17).

Argymhellwn y gwefannau canlynol er mwyn cymharu cyfrifon cynilo:

Cofiwch:

  • Ni fydd pob un gwefan gymharu yn rhoi’r un canlyniadau i chi, felly cofiwch ddefnyddio mwy nag un gwefan cyn gwneud penderfyniad.
  • Felly mae’n bwysig gwneud tipyn o waith ymchwil i mewn i’r math o gynnyrch neu nodweddion a ddymunwch cyn prynu neu newid darparwr.
Dysgwch ragor yn ein canllaw ar wefannau cymharu

ISAs i Bobl Iau

Mae ISAs i Bobl Iau yn cynnig ffordd wych o gynilo’n ddi-dreth i’ch plant.

Gall teulu a ffrindiau roi hyd at £4,080 y flwyddyn i mewn i’r cyfrif ar ran y plentyn ac nid oes Treth Incwm na Threth Enillion Cyfalaf i’w talu ar y llog nac enillion o fuddsoddiadau.

Ar gael i unrhyw blentyn o dan 18 sy’n byw yn y DU nad yw’n gymwys i gael Cronfa Ymddiriedolaeth Plant.

Y Gronfa Ymddiriedolaeth Plant

Mae’r cynllun wedi cau erbyn hyn ar gyfer ceisiadau newydd.

Gallwch nawr wneud cais am ISA Iau yn hytrach. Fodd bynnag, os cafodd eich plentyn ei eni rhwng 1 Medi 2002 a 2 Ionawr 2011, mae’n debygol ei fod wedi cymhwyso i gael Cronfa Ymddiriedolaeth Plant. Mae’r rhain yn cynnig cynilion di-dreth a thaliad cychwyn untro gan y llywodraeth.

Ar hyn o bryd, gall rhieni a ffrindiau gyfrannu hyd at £4,080 bob blwyddyn (blwyddyn dreth 2016-1) i Gronfa Ymddiriedolaeth Plant plentyn.

O Ebrill 2015 ymlaen, caniateir i rieni drosglwyddo cynilion o gyfrifon Cronfa Ymddiriedolaeth Plant i ISAs Iau.

Cynilion a Buddsoddiadau Cenedlaethol (NS&I)

Mae eich arian yn gwbl ddiogel gyda Chynilion a Buddsoddiadau Cenedlaethol am eu bod wedi’u cynnal gan lywodraeth y DU. Mae Cynilion a Buddsoddiadau Cenedlaethol yn cynnig amrywiaeth o gynhyrchion cynilo, y mae rhai ohonynt yn ddi-dreth. Maent yn cynnwys :

  • ISA arian parod
  • Bondiau i Blant

Nid yw Tystysgrifau Cynilion Di-dreth ar gael ar hyn o bryd.

Bondiau Premiwm

Mae Cynilion a Buddsoddiadau Cenedlaethol hefyd yn cynnig Bondiau Premiwm. Ni fyddwch yn cael unrhyw log, ond gallwch ennill gwobrau di-dreth.

Cynilion pensiwn

Mae’r llywodraeth yn eich annog i gynilo ar gyfer eich ymddeoliad drwy roi gostyngiad treth i chi ar gyfraniadau pensiwn.

Yn dibynnu ar y cynllun pensiwn sydd gyda chi, mae gostyngiad yn y dreth naill ai’n lleihau eich bil treth neu’n cynyddu’r swm a delir i’ch cynllun. Lle mae gostyngiad treth yn cynyddu’r swm a delir i mewn, rydych yn derbyn y gostyngiad hwn hyd yn oed os nad ydych yn talu treth.

Ar ben hyn, mae’ch cronfa bensiwn yn tyfu yn ddi-dreth, heblaw am y ffaith bod 10% o dreth a dynnir eisoes o incwm o ddifidendau na ellir ei adennill.

Pan fyddwch yn ymddeol, gallwch fel arfer gymryd hyd at chwarter o’ch cronfa bensiwn fel cyfandaliad di-dreth. Yna caiff eich incwm pensiwn rheolaidd ei drethu gyda gweddill eich incwm.

Dysgwch fwy am gostyngiadau treth ar gyfraniadau pensiwn

Llog di-dreth ar gyfrifon banciau a chymdeithasau adeiladu

A new personal savings allowance of £1,000 was introduced in April 2016, removing the first £1,000 of savings income from Income Tax. Higher-rate taxpayers benefit from a smaller personal savings allowance of £500. Ond, os nad ydych fel arfer yn talu Treth Incwm am fod eich incwm yn is na’r trothwy treth, gallwch gofrestru i gael eich llog yn ‘gros’ (heb ddidynnu treth). Os ydych o’r farn eich bod wedi gordalu treth ar eich cynilion mae’n hawdd ei hawlio’n ôl gan Gyllid a Thollau EM (CThEM). Defnyddiwch y dolenni isod os credwch na ddylech fod yn talu treth neu os ydych wedi gordalu treth.

Defnyddiwch gyfrifiannell CThEM i weld a ydych yn gymwys i gael llog di-dreth

Eithriadau ar eich treth enillion cyfalaf

Os byddwch yn gwerthu eiddo neu fuddsoddiad sydd wedi cynyddu tipyn o ran gwerth, mae’n bosibl y bydd yn rhaid i chi dalu treth ar yr ‘enillion’ (elw). Gelwir hyn yn Dreth Enillion Cyfalaf. Os byddwch ar golled pan fyddwch yn gwerthu, mae’n bosibl y byddwch yn gallu didynnu hyn o enillion eraill fel bod cyfanswm eich enillion yn is.

Nid oes rhaid i chi dalu Treth Enillion Cyfalaf ar y canlynol:

  • Buddsoddiadau a ddelir mewn ISA
  • Bondiau llywodraeth y DU (a elwir hefyd yn ‘giltiau’), neu’r mwyafrif o fondiau corfforaethol
  • Eiddo personol gwerth £6,000 neu lai pan fyddwch yn eu gwerthu, neu
  • Unrhyw elw a wnewch pan fyddwch yn gwerthu eich prif gartref (yn y rhan fwyaf o achosion)

Am fod gennych swm eithrio blynyddol ar wahân o ran Treth Enillion Cyfalaf am bob blwyddyn dreth, os gallwch amseru’r adeg y byddwch yn gwerthu eich buddsoddiadau’n ofalus gallech ostwng eich bil cyffredinol.

Darllenwch ganllaw Treth Enillion Cyfalaf Refeniw a Thollau EM

A oes angen cyngor arnoch ar dreth?

Gallai cynghorydd ariannol eich helpu i drefnu pethau fel eich bod yn talu llai o dreth ar eich cynilion a’ch buddsoddiadau.

A oes arnoch angen cynghorydd ariannol?^