Presgripsiynau a thriniaeth ddeintyddol am ddim gan y GIG yn ystod beichiogrwydd

Ydych chi’n feichiog neu newydd gael babi? Os felly, gallwch leihau eich costau drwy gael presgripsiynau a gofal deintyddol y GIG yn rhad ac am ddim gyda Thystysgrif Eithriad Mamolaeth.

• Beth allwch chi ei gael
• Sut allwch chi hawlio’r gwasanaethau rhad ac am ddim hyn
• Gwnewch yn siwr eich bod yn derbyn popeth sy’n ddyledus i chi
• Am ragor o wybodaeth

Beth allwch chi ei gael

Mae gofal deintyddol y GIG am ddim yn y Deyrnas Unedig tra byddwch yn feichiog, ac am flwyddyn gyfan wedi i’ch babi gael ei eni.

Fodd bynnag, ar gyfer presgripsiynau mae’n dibynnu lle rydych yn byw

• Yn Lloegr, mae presgripsiynau yn rhad ac am ddim tra byddwch yn feichiog ac am flwyddyn wedi’r enedigaeth, os oes gennych chi Dystysgrif Eithriad Mamolaeth ddilys (MatEx). Gallai hyn arbed £9.15 i chi ar bob presgripsiwn
• Mae presgripsiynau am ddim yng Nghymru, yr Alban a Gogledd Iwerddon.

Sut allwch chi hawlio’r gwasanaethau rhad ac am ddim hyn

Y cyfan sydd ei angen arnoch yw Tystysgrif Eithrio Mamolaeth, wedi’i llofnodi gan eich meddyg neu fydwraig.

Mae’r dystysgrif hon yn eich caniatáu i gael presgripsiynau a gofal deintyddol am ddim gan y GIG.

Gallwch gael y ffurflen gais Eithriad Mamolaeth (FW8), gan eich meddyg neu fydwraig.

Byddant yn ei llofnodi a’i hanfon i mewn ar eich rhan a byddwch yn cael eich tystysgrif yn y post.

Dangoswch eich tystysgrif yn y fferyllfa wrth gael presgripsiwn yn Lloegr a dweud wrth dderbynnydd y deintydd eich bod yn gymwys am driniaeth yn rhad ac am ddim ar y GIG am eich bod yn feichiog pan fyddwch yn gwneud apwyntiad deintyddol.

Os nad yw’ch tystysgrif yn cyrraedd mewn pryd

Gallwch hawlio ad-daliad os oedd rhaid ichi dalu cyn i’ch tystysgrif gyrraedd.

Gofynnwch i’ch fferyllydd am dderbynneb a ffurflen hawlio (FP57).

Gyda’ch deintydd, ffurflen FP64 yw hi.

Trefnu’ch apwyntiad deintyddol

Mae amryw ohonom yn osgoi gwneud apwyntiad gyda’r deintydd, ond mae’n gwneud synnwyr i weld y deintydd tra bydd am ddim.

Rydych yn fwy tebygol o gael dannedd a deintgig sensitif tra’ch bod yn feichiog. Felly gallai mynd at y deintydd helpu i leddfu unrhyw boen.

Yn Lloegr, bydd trefnu apwyntiad nawr yn arbed y £22.70 y byddai’n rhaid i chi ei dalu am wiriad fel rheol, neu hyd at £269.30 am driniaethau drutach fel pont neu goron.

Yng Nghymru, bydd trefnu apwyntiad nawr yn arbed y £14.40 y byddai’n rhaid i chi ei dalu am wiriad fel rheol, neu hyd at £199.10 am driniaethau drutach fel pont neu goron.

Yn yr Alban a Gogledd Iwerddon, rhaid i unrhyw un nad yw’n gymwys i gael triniaeth ddeintyddol am ddim neu help gyda chostau dalu 80% o gost eu triniaeth ddeintyddol, wedi ei gapio ar £384.

Gwnewch yn siwr eich bod yn cael popeth sy’n ddyledus i chi

Mae budd-daliadau ac arbedion eraill ar gael ar gyfer menywod beichiog a theuluoedd.

Mae ein Llinell amser arian babi yn rhoi rhestr bersonol lawn i chi o’r holl ddyddiadau sy’n gysylltiedig â’ch beichiogrwydd a’ch babi newydd.

Mae’n hawdd ei lenwi ac mae’n eich helpu i weithio allan a ydych chi’n sicrhau bod yr holl gymorth ariannol ar gael i chi.

Mae’n cynnwys popeth o drefnu eich absenoldeb mamolaeth a’ch tâl i hawlio Budd-dal Plant.

Nid oes gennych unrhyw beth i’w golli o’i gwblhau a gallai arbed llawer o arian i chi.

Hefyd, darllenwch ein canllaw Budd-daliadau a hawliau y gallwch eu hawlio pan fydd gennych fabi.

Am ragor o wybodaeth

• Yng Nghymru a Lloegr mae gan wefan NHS Choices fwy o wybodaeth am ofal deintyddol am ddim a phresgripsiynau am ddim.
• Yn yr Alban, darganfyddwch fwy am ofal deintyddol am ddim ar wefan Llywodraeth yr Alban.
• Yng Ngogledd Iwerddon, darganfyddwch fwy am ofal deintyddol am ddim ar wefan nidirect.

Am fwy o awgrymiadau i gadw costau presgripsiwn i lawr, edrychwch ar MoneySavingExpert’s Cheap & Free Prescriptionsopens in new window.