Mae prynu car ymhlith y pethau mwyaf costus a brynwch yn eich bywyd. Fodd bynnag, unwaith y byddwch wedi prynu’ch car, rhaid i chi dalu i’w gadw ar y ffordd. Mae’n bwysig eich bod yn ystyried beth fydd cost hyn yn yr hirdymor. I roi cymorth i chi gadw trefn ar eich cyllideb, gallwch ddefnyddio ein hoffer syml ar-lein i gyfrifo faint allwch chi fforddio ei wario ar brynu’r car a’r costau rhedeg.
Cyfrifwch eich cyllideb ar gyfer prynu car
Bydd eich cyllideb yn penderfynu a allwch brynu car newydd neu ail-law a faint y gallwch ei fforddio o ran costau rhedeg.
Mae’n allweddol eich bod yn realistig am eich cyllideb. Gall gor-ymestyn eich hun arwain at broblemau yn y pen draw – yn arbennig os mai prin iawn yw’ch cynilion neu ddim cynilion o gwbl.
Defnyddiwch ein Cynllunydd cyllideb syml i gyfrifo faint y gallwch fforddio ei wario wrth brynu car. Mae’n cymryd ychydig o funudau’n unig.
Defnyddiwch ein hofferyn Canfod arian parod yn gyflym i ganfod faint y gallech ddechrau ei gynilo tuag at eich car newydd. Mae’n cymryd pum munud yn unig.
Cyfrifwch y costau rhedeg
Unwaith eich bod wedi cyfrifo faint y gallwch fforddio ei wario wrth brynu car, gwnewch yn siŵr y gallwch fforddio ei redeg hefyd. Mae’n werth cofio bod modurwyr y DU yn gwario £3,500 y flwyddyn ar gyfartaledd ar gostau rhedeg. (Ffynhonnell: arolwg gan Webuyanycar.com, Tachwedd 2013.)
I gael cymorth wrth gyfrifo costau rhedeg car, rhowch gynnig ar ein hofferyn Cyfrifiannell costau car.
Os gwyddoch am y gwahanol fathau o gostau rhedeg y dylech ganiatáu amdanynt ac rydych ond angen cymorth i’w cyfrifo, ceisiwch ddefnyddio’r gyfrifiannell ar y wefan This is Money.
Yn aml gall ceir ail-law gostio mwy i’w rhedeg na cheir newydd os na fyddwch yn ystyried dibrisiant.
Fel cymhariaeth sylfaenol, dyma enghreifftiau o gostau rhedeg ar gyfer car ail-law a char newydd ym Mlwyddyn 1 ar ôl ei brynu:
Costau rhedeg car ail-law, Blwyddyn 1
£281 y mis neu £3,374 y flwyddyn, yn cynnwys:
£1,954 – tanwydd yn seiliedig ar 10,000 o filltiroedd y flwyddyn ar 1.29 y litr a 30 myg
£600 – yswiriant y flwyddyn
£600 – cynhaliaeth/MOT y flwyddyn
£220 – treth gerbyd y flwyddyn
Costau rhedeg car newydd, Blwyddyn 1
£178 y mis neu £2,140 y flwyddyn, yn cynnwys:
£1,172 – tanwydd yn seiliedig ar 10,000 o filltiroedd y flwyddyn ar 1.29 y litr a 50 myg
£600 – yswiriant y flwyddyn
£300 – cynhaliaeth/MOT y flwyddyn
£68 – treth gerbyd y flwyddyn
Ond cofiwch, er fod y car ail-law yn costio mwy i’w redeg, bydd y car newydd yn colli mwy o’i werth yn ystod y flwyddyn. Felly petaem wedi ychwanegu’r costau dibrisiant at y costau rhedeg sylfaenol, mae’n debygol iawn mai’r car ail-law fyddai’r dewis ariannol gorau.
Darllenwch ragor am sut y mae dibrisiant ceir yn gweithio.
Ymchwiliwch i’ch helpu i ddod o hyd i’r car cywir
?
Awgrym da
Peidiwch â gadael i’ch calon reoli’ch pen. Os na allwch fforddio car newydd eich breuddwydion, ystyriwch gar sydd bron yn newydd neu gar ail-law. Darllenwch ragor am geir bron yn newydd ar wefan Which? Car.
Oni bai fod car ar eich meddwl eisoes, dechreuwch edrych ar geir ar y ffyrdd, gyda’ch delwyr ceir lleol, a mewn cylchgronau ceir a gwefannau moduro (gweler isod). Hefyd gallech ofyn i ffrindiau, teulu a chydweithwyr am argymhellion.
Y 10 cwestiwn pwysicaf i ofyn i chi’ch hun
Nawr eich bod wedi sicrhau y gallwch fforddio car, mae’n amser i ganfod beth y gallwch ei brynu o fewn eich cyllideb.
Ond yn gyntaf, gofynnwch y cwestiynau canlynol i chi’ch hun fel nad ydych yn diystyru unrhyw un o’ch anghenion ymarferol hanfodol wrth ddewis eich car:
- A oes angen imi gadw costau rhedeg fel treth, yswiriant, a thanwydd at isafswm?
- A ydw i eisiau car a fydd yn cadw ei werth yn dda?
- Faint o ofod sydd arnaf ei angen ar gyfer teithwyr, gan gynnwys ci efallai?
- A hoffwn i brynu un o’r ceir mwyaf dibynadwy?
- Fel arfer a fyddaf yn gyrru pellteroedd byr neu deithiau hwy?
- A ydw i eisiau i fy nghar fod yn ecogyfeillgar ac rhad i’w redeg?
- A ydw i eisiau un o’r ceir diogelaf ar y ffyrdd?
- A oes angen imi fod yn siŵr y bydd y car yn mynd i mewn i’m garej?
- Pa hyd ar y warant ydw i’n chwilio amdano?
- A oes angen i’m car allu tynnu carafán?
Cymharu ceir
I’ch helpu i benderfynu pa gar fyddai orau i chi, mae’r gwefannau dilynol yn cyhoeddi adolygiadau rheolaidd o:
Eich cam nesaf
Dysgwch am y ffyrdd gwahanol y gallwch dalu am gar
