A ydych chi wedi gwirio’r dewisiadau amgenach yn hytrach na benthyciad diwrnod cyflog?

Os ydych ar ei hôl hi efo biliau nwy, trydan neu gyfleustodau eraill, mae’n debyg nad benthyciad diwrnod cyflog yw’r dewis gorau.

Dyma beth allwch chi ei wneud yn hytrach:

1. Darllenwch ein canllaw: Siaradwch â’r bobl y mae arnoch arian iddynt. Os hoffech i rywun wneud hyn ar eich rhan neu os hoffech gael cyngor dewch o hyd i gynghorydd ar ddyledion yn awr. Gallant ddelio ag ystod o broblemau dyledion yn seiliedig ar eich amgylchiadau personol.

2. Cysylltwch â’r cyflenwr ynni ac egluro eich bod yn cael anhawster ei ad-dalu. Os ydych ar ei hôl hi efo’ch taliadau, dylai eich cyflenwr eich trin yn deg a’ch caniatáu i ad-dalu ar gyfradd y gallwch ei fforddio.

3. Ffoniwch Llinell Gymorth Cartrefi Cynnes (dolen allanol) am gyngor am ddim ar ynni.

Mae nifer o gyflenwyr yn cynnig cymorth ychwanegol i gwsmeriaid na allant dalu eu biliau. Mae’n annhebygol iawn y datgysylltir eich cyflenwad os byddwch ar ei hôl hi gyda’ch taliadau (cyn belled na fyddwch yn anwybyddu’ch bil). Ond RHAID i chi siarad â’ch cyflenwr, felly ffoniwch y cwmni ar unwaith os nad ydych wedi gwneud hynny eisoes.

Ceisiwch beidio â defnyddio benthyciad diwrnod cyflog i dalu am bethau hanfodol bob dydd pan fydd arian yn brin.

Dyma beth allwch chi ei wneud yn hytrach:

1. Siaradwch â phawb mae arnoch arian iddynt i weld a gytunant i adael i chi dalu symiau llai dros gyfnod hirach. Bydd hyn yn rhyddhau arian parod ar gyfer pethau hanfodol.

   Am ragor o wybodaeth darllenwch ein canllaw: Siaradwch â’r bobl y mae arnoch arian iddynt, neu os hoffech i rywun eich helpu dewch o hyd i gynghorydd ar ddyledion am ddim yn awr

2. Gofynnwch i’ch cyflogwr a all gynnig dewisiadau eraill. Os ydych yn hawlio budd-daliadau ac yn aros am eich taliad cyntaf, neu os yw’ch arian yn hwyr, gallwch ofyn i’r Ganolfan Byd Gwaith am flaenswm tymor byr.

3. Gofynnwch i deulu a ffrindiau a allant roi cymorth i chi. Cofiwch ni fyddwch yn dymuno colli ffrind da na ffraeo gydag aelod o'r teulu dros arian. Gwnewch yn siŵr eich bod yn llunio cytundeb ac yn ad-dalu’r arian yn brydlon. Darllenwch ein canllaw: A ddylech chi fenthyca arian gan eich teulu a'ch ffrindiau?

4. Peidiwch â chymryd yn ganiataol na fedrwch fenthyca o rywle arall. Hyd yn oed os oes gennych chi statws credyd gwael, mae atebion amgenach yn hytrach na benthyciadau diwrnod cyflog. Ac ystyriwch ddefnyddio cerdyn credyd neu orddrafft awdurdodedig – ond dim ondos ydych yn siŵr y byddwch yn medru ei ad-dalu ar ddiwedd y mis ac ni fyddwch yn mynd heibio’ch terfyn credyd. I gael gwybod rhagor, darllenwch ein canllaw: Dewisiadau eraill amgenach na benthyciadau diwrnod cyflog

Os cymrwch fenthyciad diwrnod cyflog, gwnewch yn siŵr eich bod yn deall y ffeithiau yn gyntaf. Darllenwch ein canllawiau Benthyciadau diwrnod cyflog a Problemau benthyciad diwrnod cyflog

Peidiwch â defnyddio benthyciad diwrnod cyflog i ad-dalu benthyciadau eraill fel cardiau credyd neu fenthyciadau

Dyma beth allwch chi ei wneud yn hytrach:

1. Defnyddiwch ein Cynllunydd cyllideb er mwyn i chi fedru gwirio eich incwm a'ch gwariant.

2. Siaradwch â’r bobl y mae arnoch arian iddynt cyn gynted â phosibl. Gallant gytuno i chi wneud taliadau llai hyd nes i’ch sefyllfa ariannol wella.

3. Gwnewch yn siŵr eich bod yn gwybod eich hawliau. Os ydych yn cael anhawster ad-dalu benthyciad neu gerdyn credyd, rhaid i’r darparwr benthyciadau eich trin yn deg ac yn ystyriol. Yn neilltuol, dylai hefyd roi cyfnod o amser rhesymol i chi ad-dalu’r ddyled. Gall hyn gynnwys rhewi ei log a ffioedd neu gytuno cynllun ad-dalu gyda chi.

Gall cynghorydd dyledion am ddim roi cymorth i chi gyda hyn a’ch cynghori ynglŷn â’ch hawliau a’ch dewisiadau. Dewch o hyd i gynghorydd dyledion am ddim yn awr

Rhowch flaenoriaeth i’ch biliau a chytunwch i dalu beth allwch ei fforddio. Darllenwch ein canllaw Sut i flaenoriaethu'ch biliau

Peidiwch fyth â defnyddio benthyciad diwrnod cyflog i ad-dalu benthyciad diwrnod cyflog arall. Gall y llog a thaliad hwyr a chostau eraill fynd allan o reolaeth yn gyflym ac arwain at ddyled ddifrifol

Dyma beth allwch chi ei wneud yn hytrach:

1. Ceisiwch gyngor ar ddyledion cyfrinachol am ddim. Bydd y cynghorydd ar eich ochr chi a gall eich helpu i roi trefn ar eich problemau ariannol. Dewch o hyd i gynghorydd dyledion am ddim yn awr

2. Cysylltwch â’ch darparwr benthyciadau cyn gynted â phosibl a gadael iddo wybod am eich sefyllfa. Os ydych yn cael anhawster ad-dalu benthyciad diwrnod cyflog, rhaid i’r darparwr benthyciadau eich trin yn deg ac yn ystyriol. Yn neilltuol, rhaid iddo roi cyfnod o amser rhesymol i chi gael cyngor am ddim ar ddyledion ac ad-dalu’r ddyled. Gall hyn gynnwys rhewi ei log a ffioedd neu gytuno ar gynllun ad-dalu gyda chi. I ddysgu rhagor, darllenwch ein canllaw: Problemau wrth ad-dalu benthyciad diwrnod cyflog

3. Os ydych wedi cytuno ar awdurdod taliad parhaus (sy’n wybyddus hefyd fel taliad cylchol), gallwch ei ganslo ar unrhyw adeg. Gall hyn helpu os ydych yn cael anhawster i dalu biliau hanfodol ond cofiwch, os gwnewch hyn bydd y ddyled yn parhau’n ddyledus a gall y darparwr benthyciadau barhau i godi llog a ffioedd eraill. Felly mae’n hanfodol eich bod yn rhoi gwybod i’ch darparwr benthyciad a’ch bod yn cael cyngor am ddim ar ddyledion i’ch helpu i ddelio â’r benthyciad.

I ddysgu rhagor, darllenwch ein canllaw Taliadau cylchol ar gyfer benthyciadau diwrnod cyflog.

Fel gydag unrhyw fenthyciad gall prynu dillad neu bethau ar gyfer y cartref arwain at broblemau ariannol os na allwch chi ad-dalu’r benthyciad yn brydlon — ac mae dewisiadau eraill ar gael

Dyma beth allwch chi ei wneud yn hytrach:

1. Ceisiwch ddal ati tan eich diwrnod cyflog nesaf cyn prynu’r eitem. Gall cymryd benthyciad llog uchel olygu y byddwch yn talu llawer iawn yn rhagor am yr eitem. Ac os na fedrwch ad-dalu’r benthyciad yn brydlon byddwch yn talu llog ychwanegol a ffioedd taliad hwyr.

2. Ystyriwch brynu’n ail law neu ei gael am ddim o wefan ailgylchu fel freecycle (dolen allanol).

3. Ceisiwch gysylltu â’ch cyngor lleol (dolen allanol) os yw’n argyfwng a’ch bod ar fudd-daliadau’n seiliedig ar incwm. Er enghraifft os yw’ch boiler wedi torri yn y gaeaf, ni allwch fforddio bwyd, neu eich bod wedi dod allan o ofal, ysbyty neu garchar ac angen cymorth i aros yn eich cartref eich hun. Gallwch gael dodrefn o bosib, a dillad, nwyddau gwynion, grantiau bwyd neu arian. Pobl sydd yn ennill y cyflogau isaf sydd yn cael blaenoriaeth fel arfer.

4. Peidiwch â chymryd yn ganiataol na fedrwch fenthyca o rywle arall. Hyd yn oed os oes gennych chi statws credyd gwael, mae atebion amgenach yn hytrach na benthyciadau diwrnod cyflog. Ystyriwch ddefnyddio cerdyn credyd neu orddrafft awdurdodedig - ond dim ond os ydych yn siŵr y byddwch yn medru ei ad-dalu’n llawn ar ddiwedd y mis ac ni fyddwch yn mynd heibio’ch terfyn credyd. I gael gwybod rhagor, darllenwch ein canllaw: Dewisiadau eraill amgenach na benthyciadau diwrnod cyflog.

5. Defnyddiwch ein Cynllunydd cyllideb i weithio allan i ble mae’ch arian yn mynd bob mis.

Gall defnyddio benthyciad diwrnod cyflog i dalu eich rhent neu forgais yn rheolaidd arwain at ddyled ddifrifol a rhoi eich cartref dan fygythiad

Dyma beth allwch chi ei wneud yn hytrach:

1. Cysylltwch â’ch landlord neu ddarparwr morgais cyn gynted â phosibl a gadael iddo wybod am eich sefyllfa.

2. Gwnewch yn siŵr eich bod yn gwybod eich hawliau. Os oes gennych forgais ac yn cael anhawster ad-dalu, rhaid i’r darparwr benthyciadau eich trin yn deg ac yn ystyriol. Yn neilltuol, dylai hefyd roi cyfnod o amser rhesymol i chi ad-dalu’r ddyled. Gall hyn gynnwys rhewi ei log a ffioedd, a chytuno ar gynllun ad-dalu gyda chi. Gall cynghorydd dyledion am ddim roi cymorth i chi gyda hyn a’ch cynghori ynglŷn â’ch hawliau a’ch dewisiadau.

3. Ceisiwch gyngor ar ddyledion cyfrinachol am ddim. Bydd y cynghorydd yn rhoi help i chi flaenoriaethu’ch biliau, creu cyllideb a siarad â’ch landlord neu’ch darparwr benthyciadau efallai ar eich rhan. Dewch o hyd i gynghorydd dyledion am ddim yn awr

Am ragor o wybodaeth darllenwch Problemau wrth dalu eich rhent neu Problemau wrth dalu eich morgais

Ceisiwch beidio â defnyddio benthyciad diwrnod cyflog ar gyfer y cartref neu drwsio’r car

Dyma beth allwch chi ei wneud yn hytrach:

1. Gwiriwch a all y gwaith trwsio neu’r bil ddisgwyl hyd nes i chi gael eich cyflog nesaf pan fyddwch yn medru ei fforddio. Neu gofynnwch am amser i dalu’r bil neu negodi cynllun talu.

2. Gofynnwch i’ch cyflogwr a all gynnig dewisiadau eraill.

3. Gofynnwch i deulu a ffrindiau a allant roi cymorth i chi. Cofiwch ni fyddwch yn dymuno colli ffrind da na ffraeo gydag aelod o'r teulu dros arian. Gwnewch yn siŵr eich bod yn llunio cytundeb ac yn ad-dalu’r arian yn brydlon. Darllenwch ein canllaw: A ddylech chi fenthyca arian gan eich teulu a'ch ffrindiau?

4. Peidiwch â chymryd yn ganiataol na fedrwch fenthyca o rywle arall. Hyd yn oed os oes gennych chi statws credyd gwael, mae atebion amgenach yn hytrach na benthyciadau diwrnod cyflog. Ac ystyriwch ddefnyddio cerdyn credyd neu orddrafft awdurdodedig – ond dim ond os ydych yn siŵr y byddwch yn medru ei ad-dalu ar ddiwedd y mis ac ni fyddwch yn mynd heibio’ch terfyn credyd. I gael gwybod rhagor, darllenwch ein canllaw: Dewisiadau eraill amgenach na benthyciadau diwrnod cyflog

Gallai defnyddio benthyciad diwrnod cyflog i dalu am eich gwyliau olygu y bydd y dyddiau hynny i ffwrdd yn ymlacio yn costio llawer iawn mwy na’r disgwyl i chi, os methwch ag ad-dalu’r benthyciad yn brydlon.

Dyma beth allwch chi ei wneud yn hytrach:

1. Yn well fyth, talwch am eich gwyliau gan ddefnyddio cerdyn credyd sy’n cynnig llog o 0% ar bryniant newydd. Ond peidiwch â benthyca mwy nag sydd ei angen arnoch a gwnewch yn siŵr eich bod gwybod sut y byddwch yn ei ad-dalu cyn diwedd y cyfnod 0%.

2. Dysgwch a yw gorddrafft awdurdodedig gan eich banc nes eich bod yn cael eich talu’n rhatach. Gwnewch yn siŵr eich bod yn ei ad-dalu erbyn diwedd y mis. Darllenwch ein canllaw: Egluro gorddrafftiau

3. Peidiwch â chymryd yn ganiataol na fedrwch fenthyca o rywle arall. Hyd yn oed os oes gennych chi statws credyd gwael, mae atebion amgenach yn hytrach na benthyciadau diwrnod cyflog. I gael gwybod rhagor, darllenwch ein canllaw: Dewisiadau eraill amgenach na benthyciadau diwrnod cyflog

Darllenwch ein hawgrymiadau ar sut i dalu am eich gwyliau

Gall benthyciad diwrnod cyflog fod yn ffordd ddrud iawn o dalu am fynd allan a gwariant arall nad yw’n hanfodol. Gall arwain yn gyflym at broblemau ariannol difrifol os methwch ag ad-dalu’r benthyciad yn brydlon.

Dyma beth allwch chi ei wneud yn hytrach:

1. A allwch chi ddisgwyl hyd nes i chi fedru mynd allan heb orfod benthyca? I ganfod yn union ble mae’ch arian yn mynd bob mis defnyddiwch ein Cynllunydd Cyllideb

2. Canfyddwch ffyrdd rhatach o gwrdd â’ch ffrindiau, fel mynd i ddigwyddiadau am ddim yn eich ardal.

3. Darllenwch am ddewisiadau amgenach yn hytrach na benthyciad diwrnod cyflog

Gwnewch yn siŵr eich bod yn deall y ffeithiau cyn ymrwymo i fenthyciad diwrnod cyflog. Darllenwch ein canllawiau Benthyciadau diwrnod cyflog a Problemau benthyciadau diwrnod cyflog