Pecyn cymorth gwerthuso cyngor ynghylch dyled

Sut y datblygwyd y Fframwaith Gwerthuso

Fe wnaethom gasglu sylwadau am y canlyniadau a ddymunir i gleientiaid gan ystod eang o randdeiliaid ar draws darparwyr gwasanaeth rheng-flaen cyngor ynghylch dyled, sefydliadau aelodaeth, a chredydwyr. Dynodwyd nifer fawr o ganlyniadau a ddymunid i gleientiaid, gan adlewyrchu’r effaith yr oedd sefydliadau’n dymuno ei gyflawni o gynghori eu cleientiaid. Bu ein Fforwm Cynghori ynghylch Dyled yn ystyried adborth cyfunol yr holl sefydliadau hyn a rhoi sylwadau.

Comisiynwyd PFRC (Canolfan Ymchwil Cyllid Personol) i ddatblygu’r fframwaith ymhellach a mireinio’r canlyniadau a ddymunir i gleientiaid. Fe wnaethant ystyried pa ganlyniadau y medrid eu priodoli i gyngor ynghylch dyled, pa rai oedd yn sgil-gynnyrch derbyn cyngor, a pha rai oedd am y broses o roi cyngor yn hytrach na’r canlyniadau a geisid.

Paratôdd PFRC ddrafft fframwaith ac arolwg i fynd gydag ef y gellid ei ddefnyddio i fesur y canlyniadau cleient a ddynodwyd. Fe wnaethom wedyn gomisiynu DVL Smith i gynnal prawf trwyadl ar yr arolwg a’r canlyniadau i gleientiaid gan ddefnyddio ymyriadau cyngor ynghylch dyled wyneb i wyneb, dros y ffôn ac ar y rhyngrwyd yn unig. Defnyddiodd yr ymchwil yma ystod o fethodolegau gan arwain at esblygu’r arolwg a’r fframwaith gwerthuso ar hyd y treialu.

Gan gydweithio gyda PFRC, rhoddwyd ystyriaeth i ganfyddiadau’r cynllun peilot ac wedyn ddiwygio’r deunyddiau i baratoi fersiwn terfynol y fframwaith gwerthuso a’r arolwg sy’n mynd gydag ef.

• Darllen ‘Fframwaith Canlyniadau Cyngor ynghylch Dyled y Gwasanaeth Cynghori Ariannol – Adroddiad terfynol’ yn llawn (PDF)

Yr hyn sydd yn y pecyn cymorth

Mae’r pecyn cymorth yn cynnwys yr adnoddau dilynol y medrir eu lawrlwytho:

• Fframwaith Gwerthuso Cyngor ynghylch Dyled yn llawn (PDF)
  Mae’r ddogfen yma’n cynnwys y 15 canlyniad i gleientiaid i gael eu mesur a matrics sy’n dynodi pa ganlyniad y mae pob cwestiwn yn ei fesur, yn ogystal â’r cwestiynau hynny a ofynnir iddynt er mwyn rhoi cyd-destun i gleientiaid pan fyddant yn llenwi’r arolwg.
• Dalen flaen y medrir ei haddasu ac arolwg cleientiaid (Ffeil Zip – PDF a Word)
  Gellir addasu’r ddalen flaen a’i brandio i’w hatodi ar yr arolwg cleientiaid. Yn lle hynny, gellid defnyddio’r arolwg i gopïo cwestiynau ar gyfer arolwg ar-lein.
• Dulliau dadansoddi gwerthusiad (Ffeil Zip – Excel)
  Rhoddir dwy ddalen sgorio â llaw. Cawsant eu datblygu i helpu mesur y data a gasglwyd ar y 15 canlyniad. Dim ond un dull gwerthuso sydd ei angen, i’w benderfynu gan y fethodoleg a ddewiswyd. Mae mwy o wybodaeth am sut i ddefnyddio’r ddalen sgorio â llaw yn Dadansoddiad.

Cyflwyniad

Methodoleg

Amser a Samplo

Dadansoddiad

Adborth