Pethau i gadw llygad amdanynt gyda chwsmeriaid Credyd Cynhwysol

Gall rhai sefyllfaoedd godi lle y tybiwch y byddai cwsmer yn elwa o gael cymorth neu gyngor arbenigol. Dyma rai sefyllfaoedd i gadw llygad amdanynt ac awgrymiadau ynglŷn â lle y gall cwsmer fynd i gael cefnogaeth.

Llawer o Ddebydau Uniongyrchol a wrthodwyd.

Os yw cwsmer yn aml yn cael taliadau Debyd Uniongyrchol wedi eu gwrthod mae hyn yn debygol o fod yn arwydd bod angen cymorth arno gyda chyllidebu.

Gall y cwsmer un ai:

• ymweld â gwefan y Gwasanaeth Cynghori Ariannol a defnyddio’r cynllunydd cyllideb
• ffonio llinell gymorth y Gwasanaeth Cynghori Ariannol ar 0300 500 5000 i gael cymorth wrth lunio cyllideb, neu
• ofyn am gymorth cyllidebu yn eu Canolfan Byd Gwaith leol
• gwneud apwyntiad gyda thîm cymorth ariannol y banc os yw hynny’n briodol

Mae’r cwsmer yn dymuno canslo pob taliad awtomatig

Os bydd cwsmer yn gwneud cais i’w holl daliadau awtomatig gael eu canslo gall hyn awgrymu bod angen cymorth arno i flaenoriaethu biliau a chyllidebu.

Gall y cwsmer un ai:

• ymweld â gwefan y Gwasanaeth Cynghori Ariannol am gyngor da ar gyllidebu ar gyfer pobl sydd ar incymau isel
• ffonio llinell gymorth y Gwasanaeth Cynghori Ariannol ar 0300 500 5000 i gael cymorth wrth flaenoriaethu biliau a llunio cyllideb, neu
• gwneud cais am Flaenswm Cyllidebu (neu Fenthyciad Cyllidebu) yn ei Ganolfan Byd Gwaith lleol
• gwneud apwyntiad gyda thîm cymorth ariannol y banc os yw hynny’n briodol

Nid oes gan y cwsmer gronfeydd ariannol

Os nad oes gan gwsmer arian yn ei gyfrif a dim modd o gael arian i fyw arno mae’n debygol bod angen cymorth arno ar frys.

Gall y cwsmer un ai:

• wneud cais am Flaenswm Cyllidebu (neu Fenthyciad Cyllidebu) yn ei Ganolfan Byd Gwaith lleol, neu
• gysylltu â’i awdurdod lleol i gael cymorth lles
• gwneud apwyntiad gyda thîm cymorth ariannol y banc os yw hynny’n briodol

Cwsmer yn defnyddio credyd drud neu anaddas

Os yw cwsmer yn gwario arian ar gredyd drud, gall fod angen canllaw a chefnogaeth i ganfod dewisiadau benthyca mwy addas yn y tymor byr a gwella’i sgiliau cyllidebu i’r hirdymor.

Gall y cwsmer un ai:

• ymweld â gwefan y Gwasanaeth Cynghori Ariannol am wybodaeth ynglŷn â chanfod y math cywir o gredyd
• ffonio llinell gymorth y Gwasanaeth Cynghori Ariannol ar Rif Ffôn 0300 500 5000 i gael cymorth wrth flaenoriaethu biliau a llunio cyllideb
• ffonio Elusen Ddyledion StepChange 0800 138 1111, neu
• gwneud cais am Flaenswm Cyllidebu (neu Fenthyciad Cyllidebu) yn ei Ganolfan Byd Gwaith lleol
• gwneud apwyntiad gyda thîm cymorth ariannol y banc os yw hynny’n briodol

Mae’r cwsmer yn gwario cyfran sylweddol o incwm ar dalu dyledion neu mae’n cael sylw cyson gan gredydwyr

Os yw cwsmer yn cael anhawster cadw dau ben llinyn ynghyd gan fod y rhan helaeth o’i incwm yn cael ei ddefnyddio i ad-dalu dyledion ac/neu ei fod yn cael ei boenydio gan bobl sydd wedi benthyca arian iddo, yn sicr mae angen cymorth ar frys gyda’i ddyledion.

Gall y cwsmer un ai:

• ymweld â gwefan y Gwasanaeth Cynghori Ariannol i gael gwybodaeth ynglŷn â sut i reoli dyledion
• ffonio llinell gymorth y Gwasanaeth Cynghori Ariannol ar 0300 500 5000 i gael rhestr o asiantaethau sy’n darparu cyngor am ddim ar ddyledion
• ffonio’r Llinell Ddyled Genedlaethol ar 0808 808 4000
• ffonio Sefydliad Cyngor ar Ddyled ar 0800 043 40 50, neu
• ymweld â’i swyddfa Canolfan Cyngor ar Bopeth leol i gael cymorth a chefnogaeth argyfwng dyledion
• gwneud apwyntiad gyda thîm cymorth ariannol y banc os yw hynny’n briodol
• Chwiliwch am wasanaeth cyngor ar ddyledion yn lleoli chi er mwyn i chi fedru siarad â chynghorydd ar ddyledion yn bersonol.